مفيش شيء مهلك للنفس قد الباب الموارب، العلاقات اللي لا هي مكملة ولا انتهت هى بهته،والكلام مش بس على العلاقات العاطفيه أو الاسرية لا خالص الكلام على العلاقات كلها بشكل عام الناس اللي بتلاقيها موجوده ومش موجوده غايبه وحاضره او حاضره وغايبه الناس دي مرهقه الناس دي اذى... اذى موجود في حياتك انت بتتالم منه وبتتعذب بيه عارف ليه علشان ما ناهتش العلاقه اللى وجودها مصدر تعب وازعاج ليك انا من الناس اللي لما بوصل لنقطه الا التقاء يبقى خلاص الباب ما ينفعش يكون موارب الباب لازم يتقفل بضبه ومفتاح علشان لا يبقى في فرصه ليا للرجوع ولا للطرف الثاني للرجوع يعني هنقول مثل لو انا في شغل وببذل اقصى ما في وسعى لانجاح الشغل ده واصحاب الشغل او صاحب المكان مش مقدرين تعبى وانا عماله اقول معلش معذور ين عايز ين شغلهم ينجح بس همه طول الوقت ضعطنى وبس ومفيش اى تقدير لتعبي ومجهودي يبقى كده وصلت لنقطه الا لقاء يبقى لازم ،اسيب المكان ومش بس بسيب المكان لا ده انا برفض الرجوع ليه تاني مهما حصل و بقفل الباب اللي ممكن يبقى موارب وياذيني لاني لو رجعت لمكان ما حسش بمكانتي ولا قدرني ولا اداني حقي وكنت حسه فيه بعدم الارتياح والامان اللي انا استاهله يبقى حرام عليا اني افضل فيه العلاقات المسمومه في اي حاجه مؤذيه مهلكه مميته بشكل بطيء وانا دايما بقول مش كل الابواب تنفع تكون مواربه الا باب واحد بس هو اللى ينفع يكون موارد باب الاخوات اللي هو اخوك او اختك اللي ما ينفعش تقفل الباب في وشه لكنى ينفع تقتصر علشان ما تخسرهمش لكن علاقه زوجيه مش مكتمله الاركان ومش مريحه ومش حاسس بقيمتك ولا فيها امان وحاسس انها بتاذيك اكتر ما تسعدك لازم الباب يتقفل علاقه عمل لاقي الناس مش مقدرينك ومش مديينك حقك مهما تبذل مجهود لازم تسيبه والباب يتقفل علاقه بجارك انت بتعامله بحسن النيه وباحترام وبكل شيء طيب وهو مصر يأذيك بكل السبل من صوت عالي لخبط لرزعي ويقل راحتك ومهما تكلمه بياذيك لا ده باب لازم يتقفل لازم تمشي بالشكل ده في كل وتفهم حاجه مهمه جدا ان بعض البيبان ما ينفعش تفضل موارب ما ينفعش ان هي تفضل تدخل لنا سرسوب الهوا اللي بيتعبك ويهلك نفسين مهما كلفك الأمر بعض العلاقات الغير سوية افضل حاجه ليها البتر علشان ترتاح و الباب الموارب يبقى مقفول يبقى ما فيش رجوع يبقى خلاص بنستسلم ان احنا مكملين من غير الشخص المؤذي ده في حياتنا وعلى الاقل تنفعنا الصعدا بعد التخلص من اذيته اللى بتوصلنا بشكل او باخر مباشر او بطرق ملتويه العلاقات المسمومه لازم تبتر قبل ما تسمم بقى العمر ومنعرفش نبتره والابواب المواربه في غير محلها لازم تغلق بضبه ومفتاح والناس اللي محتفظوش بمكانتهم الكبيرة عندك، او خرجوا بشكل نهائي من حياتك. وحطوك بين صراع الكرامة والقلب اللى بيموتك فى اليوم الف مرة لازم ينتهى واختار كبريائك وكلمتك اهم من المظاهر الاجتماعيه الكدابه ومع الوقت الحياة بتعلمك إن اللي بيحبك بجد، مش بالكلام وبس، وهو بياذيك..
اصل اللى ببحبك او بيقدرك عمره ما بيحطك قصاد كرامتك ولا هايكسر خاطرك ابدا مهما حصل ولو واصلك للنقطه دى اعرف انك موهوم انه بيقدرك وبيحبك .. واتاكد ان قفل الأبواب المتواربة بيوجع، وبيعلم في العضم مش في الروح بس،
وبيكسر جواك حاجات محدش بيحسها غيرك، بس على المدى البعيد بترتاح،وبتقوى لعد ما تقفل الباب اللى بعتبر مصدر ازى وازعاج وبتحمد ربنا لما بتفوق، وروحك ترجعلك بعد عذاب الحيرة مايخلص.
وتعرف انك لم قفلت الباب الموارب نجيت نفسك من عذاب مستديم بعذاب مؤقت ها يجيله وقت ويهدى وينتهى لانه قلبك اتأكد انها نهايه من غير رجوع ف هتتعب شويه وترتاح وتفوق ..وهاتنجح اكتر من الوقت اللى كنت متمسك بموربه باب بياذبك .. اتمانه اكون وصلت المعلومه .ولكم منى أرق تحياتى