يا فلاحين أو يا فلاح أو يا فلاحه لما حد بيقولها لحد على اعتبر انها شتيمه أو تقليل منه او انه موصوم بعار وفى ناس بتزعل اوى لم حد بيقولها كده على اعتبر ان اللى بيكلمه بيقلل من قدرة او بيهينه مع العلم انها كلمه تزيد صاحبها شرف وعزة وفخر تعلوا كده اقول لكم كلمتين من الاخر
على فكرة كلمه فلاحين دى حاجه كده زى ما تكون بتجيب تاج من الألماس وتحطه على رأس حد يعنى الكرم والعز والاخلاق والاحترام والتدين والتربيه السليمه والحفاظ على صلة الارحام اللى بتنقطع فى المدن بفعل فاعل يعنى العم والخاله بيتقال له يا به فلان يعنى بيتباس على ايد الجد والجده والأب والأم بحب واحترام يعنى البيوت اللى معظمها فى حب وخير وبركة
كلمة فلاحين مش شتيمه خالص دى هيبه ما يعرفهاش غير الاسوياء نفسين اما اللى عندهم ناقص ونفوس مريضه ف بيعتبرها شتيمه وتقليل منه وانا عن نفسى بفتخر انى من بلد ارياف وهى البحيرة ومن قرية صغيرة فى مركز ايتاى البارود واللى فيها عائلتي اللى دايما بفتخر بيها ورغم انى لم اولد ولم اتربى هناك
ولكنى افتخر ويكفينا فخر ان بابا الله يرحمه من هناك وكان دايما بيخدنا معه يعرفنا باهلينا واللى البلد كلها فيها متربطه ببعض فان لم يكون من العائله فهناك مصاهرة فتحس ان البلد كلهم اقراب بشكل او باخر وفى الشدة بتلقى الكل مع بعض وبيتسنده على بعض بعكس المدن اللى الدنيا بعدهم عن بعض وعلشان كده لازم تفتخر زى ما انا بفتخر وبقولها دايما أننا من الفلاحين يعنى الناس إللى اتربة على الاصول كما يجب انت تكون من الفلاحين وافتخر ...