عزة سارى تنقل لكم
أظهر الأكاديمي القطري الحقيقه كامله التى يخاف ان يقولها الجميع
ترامب مش عايز يسقط إيران ده عايز يوقع الخليج كله تمهيدا لمخططات كبرى في المنطقة
كتب الأكاديمي القطري نايف بن نهار كلام تقيل جدًا علي منصة اكس كشف فيه عن نوايا ترامب الحقيقية للمنطقة
مش خايف على الخليج… خايف على السوق الأمريكي!
نايف بن نهار بيقول إن ترامب أجل ضرب قطاع الطاقة في إيران، مش رحمة ولا خوف من حرب كبيرة… لكن علشان خايف على أسعار السوق الأمريكي وتأثيرها على الداخل عنده!
وفي نفس الوقت؟
بقاله أكتر من 20 يوم شايف صواريخ إيران نازلة على دول الخليج، وشايف الخسائر اللي وصلت لعشرات المليارات… ومع ذلك ما غيرش أي قرار!
يعني باختصار:
مصالح إسرائيل و أمريكا أولًا… والباقي يولع!
تحذيرات الخليج؟ ولا كأنها اتقالت!
واكمل نايف بن نهار :وزير الطاقة القطري حذر بشكل واضح:
لو ضربتوا حقول الغاز في إيران… الرد هيكون ضرب حقول الغاز في الخليج!
لكن الرد الأمريكي كان إيه؟
ولا أي اهتمام… ضربوا إيران، وسابوا الخليج يواجه مصيره لوحده قدام الصواريخ!
خسائر الخليج = مكاسب أمريكا!
وتابع الاكاديمي القطري :الضربة اللي حصلت على قطاع الغاز الإيراني ما جابتش مكاسب استراتيجية تُذكر…
لكن في المقابل؟
خسائر ضخمة جدًا لدول الخليج في قطاع الطاقة!
والأخطر إن الخسائر دي كلها بتصب في مصلحة شركات الغاز الأمريكية اللي بتكسب من ارتفاع الطلب والأسعار!
يعني اللعبة مش بس سياسة… دي كمان بيزنس على حساب المنطقة!
إحنا عنده أقل من برميل نفط!
ترامب – حسب كلام الأكاديمي القطري – كل تركيزه على مضيق هرمز وأسعار النفط…لكن شعوب الخليج؟
ولا كأنهم موجودين!
الجملة الأخطر كانت:
“مجتمعات الخليج لا تساوي عنده برميل نفط!”
--الهدف الحقيقي: إسقاط الخليج مش بس إيران!
نايف بن نهار بيطرح فكرة صادمة:
إن الهدف مش مجرد إسقاط النظام في إيران… لكن كمان إنهاك وإسقاط النموذج الخليجي نفسه!
وقد قالها الترامب واضحه إن إيران قد اهدته هديه لن يقولها لاحد وكانه يلوح ان الهديه هى ضرب النفط الخليجي ليعلو سعر النفط الامريكي والغاز الامريكي
إزاي؟
استنزاف اقتصادي
ضرب قطاع الطاقة
إنهاك الدول ماليًا وسياسيًا
وكل ده علشان يمهدوا لتغييرات كبيرة جاية في المنطقة!
-