عزه سارى تكتب
لم يكن له ذنب ليذبح كالذبيحه فقد خرج هذا الرجل للسعي على رزقه من اجل توفير حياه كريمه له ولاسرته لياتي ذئبا انتزعت من قلبه الرحمه ليذبحه دون ذنب فقط لسرقه سيارته وسرقه ما معه من مال هل اصبح العمل بشرف بوابه للقتل ام ماذا يحدث
ده كيمو شاب مصرى يسعى على اكل عيشه بالحلال معاه عربيه بيشتغل بيها في شق الثعبان واقف في الموقف مستنى يجيلو اي شغل واحد جالو قالو معايا نقله بني سويف الكلام ده يوم الخميس لحد امبارح تليفونه مقفول الحكومه لقيته انهارده مدبوح ومرمي وخدو منو العربيه وقتلو ذنبو انسان بسيط طالع يشتغل بالحلال ويتغدر بيه من غير اى ذنب كده ليه ...لا نقول غير حسبى الله ونعم الوكيل اللهم انتقم من كل مجرم يقتل او يسرق اللهم هون على اهله وصبرهم ياريت يا جماعة محدش يروح لوحده اى مشوار اللي يطلع مشوار لازم يبقى معاه تباع دي حاجه ...الحاجه الثانيه نتمنى من الحكومه تنظيم الامور اللي زي دي يكون في كل موقف نقل او ميكروباص موظف من الدوله معاه سجلات تقييد اي حد خارج مع اى زبون وياخده اسم و رقم بطاقه وعنوان الزبون اللي هيطلع مع السواق مشوار على الاقل تبقى بياناته موجوده في دفتر رسمى تابع للدولة ويكون كل المواقف مراقبه بالكاميرات علشان لو لل قدر الله حصل اي حاجه تحصل هيرجعوا له حياه الناس مش رخيصه حياه الناس اغلى من شويه حديد يتقتل عشانهم بنى آدم ويسرقوهم يا ريت نفكر في الفكره دي ان كل موقف يبقى في موظف حكومي بيقيد اي عربيه طالعه مشوار خاص برقم بطاقه الزبون واسمه ومحل سكنه حفاظا على ارواح السائقين ورحم الله السائق وانتقم من الجاني امين امين امين