عزه سارى تكتب
قامت الرقابة فى الاسكندرية دخلو على محل وقالوا السلام عليكم عايز عشره بيضات وربع جبنة رومي وربع بيضا ولانشون وكذا وكذا
عيوني يا باشا
بكام
بكذا
ليه غالية كدة عن السعر الحقيقي
ما انت شايف الحرب والصواريخ ياباشا ربنا يسترها دي ايام سودا
بطاقتك لو سمحت وتعالي معايا وشمع المحل يا محمد بيه واعمل له محضر
مين حضرتك
احنا جينا عشان نحميك من الحرب والصواريخ اللي بتضرب في ايران واسرائيل وبتسمع في المحل وهنقفله ليك كام يوم كدة احسن يقع عليك صاروخ كدة والا كدة وهتدفع الغرامة
كام يا باشا
كذا
كتير اوي ياباشا هي غليت كدة ليه
ما انت شايف الصواريخ والحرب اصلها سمعت في الغرامات عندنا برضوا
حرمت ياباشا اخر مرة
حدث بالفعل بالإسكندرية
ويا ريت ده يعمم على جميع المحافظات والمراكز والقرى والنجوع تكون في يد من حديد تصلح المايل وتعدل وترجع للضعيف حقه من تاجر الجشع عمى عيونه قلب عاوزين ناس عندها ضمير ناس بتخاف على الغلابه من اي مصير عايزين ايدين من حديد تضرب على كل خاين وخسيس الخيانه مش جاسوسيه بس الخيانه طمع وجشع لاكل الفقير