عزة سارى تنقل لكم
🔸 واقعة حصلت في أكتوبر يوم 23 مارس لم يعد هناك امان حتى داخل مسكنك وفي غرفه نومك فبعد ان قدمت
طالبة قدمت بلاغ في قسم أول أكتوبر قالت فيه إن شخص اقتحم شقتها وكسر الباب وهددها بسـ.ـلاح أبيض، وأجبرها تخلع ملابسها وتعمل أوضاع مخـ.ـلة وصورها تحت التهديد
قالها لو عملتي أي حاجة أو اتكلمت هخلص عليك ولا من شاف ولا من دري ..
وبعد ما صورها ،، هرب واختفى 👤
🔸 الجهات المعنية تحركت لمكان السكن وقامت بفحص الكاميرات
والأمن قدر يحدد هوية المتهم ويقبض عليه، واتضح إنه شغال دليفري ومن محافظة الشرقية، وعامل في أكتوبر
👈🏻 رواية المتهم
المتهم اعترف إنه صورها فعلًا بهدف ابتزازها، لكنه نفى إنه كسر الباب أو استخدم سـ.ـلاح، وقال إنه صورها غفلة بعد ما دخل الشقة تسللا وهي قاعدة وكانت بتغير ملابسها في غرفتها فقام بتصويرها متخفيا
وقال أنه وصل طلبات للشقة دي قبل كده وعرف أنها لوحدها علشان هي بس اللي بتفتح فبدأ يراقب الشقة ويراقبها
📌 كده الروايتين مختلفين في جزء الاقتحام والتهديد بالسـ.ـلاح للتصوير
🔸 التحريات والفحص الجنائي
👈🏻 أثبتت أن كالون الشقة تم إتلافه (مكسور)
👈🏻 وإن هاتفه المحمول عليه مقاطع الفيديو اللي تم تصويرها أثناء ابتزاز الفتاة وتهديدها وأظهرت علامات الرعب اللي عاشتها الفتاة
⚠️ نصايح الأمان عند استلام الدليفري:
▪️ حاولي دايمًا تستلمي الأوردر عند باب الشقة من غير ما تدخلي أي حد جوا، ولا تفتح الباب كامل ولا تخلي الشخص منتظر وتدخلي تجيبي الفلوس والباب مفتوح
▪️ اتأكدي من اسم شركة التوصيل والأوردر قبل ما تفتحي الباب، يعني ( أنت مين ،، أنا أوردر كذا لشقة كذا باسم كذا)
لو مش طالبة حاجة بتقولي مش تبعي، لو طالبة افتحي واستلمي .. متفتحش الباب لكل حد.
▪️ لو لوحدك، ممكن تكلمي حد في التليفون وقت الاستلام عشان تحسسي اللي قدامك إنك مش لوحدك.
▪️ متشاركيش رقمك الشخصي أو أي بيانات خاصة مع عامل التوصيل، لذلك دائما يستحب وجود رقم للتعامل مع توصيل الطلبات والأوبر وغيره.
▪️ لو حسّيتي بأي تصرف غريب، اقفلي الباب فورًا ومتستلميش الطلب، وتتصلي بصاحب المكان وتبلغي عن عامل الدليفري والتصرف اللي حصل منه.
▪️متتكلميش مع عامل الدليفري في أي كلام بعيدا عن استلمي 🛍️ اتفضل 💸
▪️ وجود كاميرا باب أو عين سحرية (باب فيه peephole) بيساعد جدًا في الأمان.