عزه سارى تنقل لكم
شويه فضفضه
ايه يا عم ؟! هو كل شوية سماع دوي انفجارات ومش بنشوف اي صواريخ بتنزل في الأراضي المحتلة ؟!
هقولك يا صديقي لإن في تكتم إعلامي رهيب في إسرائيل زي ما حصل نفس التكتم الإعلامي دا في حـرب الـ ١٢ يوم الماضية
لكن المرادي الموضوع أقوى وأدق وأصعب ..
المرادي مفيش أي مكان ممنوع أو مُحرّم على إيران انتقامًا لاغتـ.ـيال المرشد العام الايراني " خامنئي "
كل شيء امبارح والنهاردا يحدث لأول مرة بالتاريخ ..
لأول مرة تاريخيًا المستوطنين بالملايين فضلوا اكتر من ١٢ ساعة مختبئين بالملاجئ ..
لاول مرة يحصل إصابات دقيقة ومباشرة في اماكن حيوية بإسرائيل .. زي وزارة الدفاع الاسرائيلية والقاعدة الجوية بمطار بن غوريون
دا غير استهداف ميناء إيلات ..
بالاضافة الى استهداف مبنى "الكرياه" وهو أقوى وأكبر مجمع أمني بالأراضي المحتـلة وبيحتوي على قيادة الأركان والمكاتب الخاصة بوزارة الدفاع ..
دي الاماكن الحيوية الاستراتيجية ..
اما لو هنتكلم عن الاصابات الصاروخية للمواقع المدنية فحدث ولا حرج يا صديقي ..
تم سقوط صواريخ في شمال ووسط وجنوب تل أبيب
- عسقلان - حيفا - رام الله - القدس المحتـلة ..
ومختلف المناطق بالكيـان ..
دا غير الشظايا الصاروخية اللي سقطت بأماكن متفرقة !
خد بالك الصور المسربة اللي في الصورة المرفقة دي كلها متجيش ١٠٪ حرفيًا من الدمار الفعلي بالشارع الاسرائيلي ..
لان دي سياسة الكيـان .. عدم اذاعة اخبار الدمار لمنع اضعاف الروح المعنوية ..
علشان كدا مش هتلاقي الصور دي في وكالة اخبار عربية لا جزيرة ولا عربية ولا غيرهم ..
عاوز تاخد صور حقيقية من الداخل الاسرائيلي خليك مع الوكالات الأجنبية .. ورويترز عاملة البوم حلو بصراحة 👀
سيادتك بقى يا صديقي مقتنع بالرواية الاسرائيلية ان اللي توفى منذ بداية الرد الصاروخي الايراني هي مستوطنة اسرائيلية واحدة وعدة اصابات ؟!
شكل الشوارع اللي قدام حضرتك دي مات فيها شخص واحد بس ؟!
يا صديقي دا في بنايات مكونة من اكتر من ١٠ طوابق تمت تسويتها بالأرض ولسه حتى الان المستوطنين تحت الأنقاض ..
وأهاليهم نفسهم تركوهم وراحوا يحتموا بالملاجئ 🥷