عزة سارى تنقل لكم
تحذير أخير ويا رب حد يسمع... الناس لسه مش مستوعبين حجم الدمار اللي بيتم إعداده لينا جميعا وهيتنفذ بإيدينا احنا... أمريكا واسرائيل بينفذوا مخطط مرسوم بقاله سنين طويلة لتدمير بلادنا العربية وتركيع الشرق الأوسط كله ومعاه باقي العالم، وكمان هيمولوا حربهم بفلوس العرب!
البوست ده مهم وفيه رسالة مهمة... وأتمنى تقراه للأخر وتشاركه مع الناس.. 👇
🔵 النهارده الصبح وفي حادث مؤسف، فجأة محطة تحلية مياه في الكويت انفجرت انفجار عنيف بعد هجوم صاروخي مفاجئ عليها... والمحطة دي مش مجرد مبنى، دي شريان حياة لملايين البشر اللي بيعتمدوا عليها بشكل كبير، عشان الكويت أساسًا بتعتمد على تحلية مياه البحر بنسبة 90% لتوفير احتياجات مياه الشرب لشعبها... يعني الضربات اللي زي دي تكرارها ممكن يقضي على سبل الحياة لملايين البشر، ويجعل البلد غير صالحة للعيش...
لكن الغريب ان بمجرد ما الانفجار حصل، بسرعة البرق خرجت للإعلام العالمي كله رواية صهيونية وأمريكية اتهمت إيران بتنفيذ الضربة دي، وإنها بتعتدي على الدول العربية وعايزة تدمرها... كأنها كانت خطة مكتوبة وجاهزة في الدرج ومستنية ساعة الصفر!
بس بعدها مباشرةً، الرد الإيراني جه مختلف تمامًا ومفاجيء..
⚫️ المتحدث باسم مقر "خاتم الأنبياء" طلع وقال إنهم مضربوش المحطة إطلاقًا، وإن إسرائيل هي اللي ضربتها، واللي حصل ده مؤامرة صهيونية خبيثة هدفها إلصاق التهمة بيهم وجر المنطقة لمواجهة شاملة...
🔹️ والقصة مخلصتش هنا... الدور بعدها جه على تركيا..
بعد شوية من حادثة الكويت، أنظمة الناتو والمدمرات الأمريكية في المتوسط اعترضت صاروخ باليستي قاله عنه إنه "قادم من إيران ودخل الأجواء التركية"... ودي المرة التالتة اللي يحصل فيها اختراق زي ده، وفي المرتين اللي فاتوا إيران نفت مسؤوليتها تمامًا عن الصواريخ دي وقالت إنها مضربتش حاجة على تركيا!
🔸️ طب أومال مين اللي ضرب لو مش إيران؟
الموضوع هيتضح بالنسبالك واللمبة هتنور لما أقولك ان قبلها بيوم واحد بس، تركيا كانت بتهدد بالتدخل في المعركة لو الأكراد اتحركوا ضد إيران... يعني من الآخر في حد بيحرك قطع الشطرنج من ورا الستار بمنتهى الخبث، وبيشتغل على الوقيعة بين الدول وبعضها عشان يقطعوا شعرة معاوية اللي باقية ما بين القوى الكبرى اللي واقفة قدام المشروع الصهيوني...
🟢 ودي مش أول مرة... حكيتلك قبل كده إن كذا مرة يتم قصف مصافي نفطية في السعودية وسفارات وأماكن تانية حساسة في دول خليجية، وبعدها إيران تنفي مسؤوليتها وتقول انها مش هي اللي نفذتها... وبالفعل الدول اللي بتتضرب بتسكت ومبتاخدش إجراء أكتر من الإدانة بس، وكإنهم عارفين مين الطرف الحقيقي اللي بيضرب الأهداف دي بالذات، بس مش قادرين يقولوا...
🟠🔹️ طبعًا أنا مش بقولك إن إيران ملاك.. إيران لها ما لها وعليها ما عليها، وأكيد عملت حاجات كتير غلط قبل كده... لكن هي هنا بتحارب ضد اسرائيل وأمريكا، وأنا بوضحلك المؤامرة اللي بتحصل والتلاعب الإعلامي اللي بيتلعب علينا كلنا، لإن الطرف التاني مجرم ومعندوش أي مشكلة في الكذب وإشعال نار الفتنة والدمار لأجل خدمة أهدافه هو فقط...
🟣 لكن الأبجح من كل ده كمان، هو إن الصهاينة مش بس بيلبسوا الدنيا في بعض... الأبجح هو اللي بقى بيتقال على العلن في البيت الأبيض!
من شوية، المتحدثة باسم البيت الأبيض "كارولين ليفيت" طلعت بكل صفاقة وبجاحة وقالت إن الرئيس الأمريكي بتاع العيال، بيفكر وبقوة إنه يدعو دول عربية زي (السعودية، الإمارات، والكويت) إنهم يتحملوا ويدفعوا "فاتورة الحرب" ضد إيران!
أنت متخيل قدر الوقاحة والسفالة؟!
يشعلوا الحرب بنفسهم في المنطقة العربية، وكمان ينفذوا ضربات خفية ضد الدول العربية، ويفضلوا مكملين في نفس الطريق برغم كل الدمار اللي حاصل في اقتصاد الخليج وفي أسعار النفط اللي وصلت للسماء لدرجة انها بقت بتهدد استقرار الدول الأوروبية ودول شرق أسيا زي الهند وكوريا وإندونيسيا والفلبين وغيرهم، وفي الآخر كمان عايزين يدفعوا العرب تمن الحرب اللي بتدمرهم، اللي متقدرة مبدئيًا بـ 37 مليار دولار!
🔸️ طب معلش يا علام... هما ليه بيعملوا كده مع الخليج؟ هما مش المفروض حلفاء؟!
الموضوع يطول شرحه يا صديقي، بس خليني أقولك إن إطالة أمد الحرب دي وتدمير النفط الخليجي ورفع سعره عالميًا (في نظر إدارة الحلف الإبستيني وأعوانه) فيها استفادة مباشرةً لأمريكا، لإنها بتعلي من سعر أسهم شركات النفط الأمريكية وبتديهم القدرة على تحقيق مكاسب غير مسبوقة، وكمان مع سعي ترامب للسيطرة على النفط الإيراني وغزو إيران نفسها، هيقدر يوفر نفط أكتر يضيفه على النفط بتاع فنزويلا، ويبقى مش محتاج حد وبيصدر للعالم كله بأسعار أعلى، وكمان هيضيق على الصين اللي كانت معتمدة على نفط إيران، ويضربها في اقتصادها...
ده غير انه كمان بالطريقة دي، لو قدر يسيطر على نفط إيران، فهو هيقدر يغطي الوقود اللي هو محتاجه لبناء مراكز البيانات العملاقة الخاصة بالذكاء الاصطناعي AI Data Centers، واللي قايم عليها الاقتصاد الأمريكي كله دلوقتي... ودي قصة كبيرة لوحدها!
🟡 بيستعبدوا العالم كله واحنا بنتفرج!
والكلام ده لو هتفكر فيها بمنظور اقتصادي يعني، لكن الحقيقة ان ورا الاقتصاد كمان في حقيقة تانية؛ وهي إن اللي بيحصل له هدف ديني أبعد من كده... وهو إقامة إسرائيل الكبرى والهيكل الثالث، وتدمير مقدرات العرب لإحكام السيطرة عليهم بسهولة...
الاحتلال وأمريكا دلوقتي مش بس بيلعبوا بالنار، دول بيحاولوا يرجعوا السلم الإنساني للمنطقة كلها عشرات السنين لورا، وبيتعاملوا كأنهم فوق أي قانون أو محاسبة.. لدرجة إن أمريكا بقت بتتعامل مع العرب بمنطق البلطجة على مستوى دولي غير مسبوق... ادفع عشان أحميك من الحريقة اللي أنا أصلاً ولعتها وما زلت بولعها أكتر!
🔹️ أنا تعبت من الكلام والتحذير، بس أنا بكتب الكلام ده تاني لوجه الله، وعشان الناس تعرف اللي بيحصل جايز حاجة تتغير... إعرفوا العدو الحقيقي فين وبيعمل أيه... وجهوا بنادقكم نحو الشيطان اللي بيعدكم الفقر والدمار... أفيقوا يا عرب ويا مسلمين، وإلا فـ والله لا نلومن أحدًا سوى أنفسنا...