عزة سارى تكتب
"ماتت بالخذلان … فمات معاها أمان طفلين!"
بسنت سليمان رحلت… وربنا يرحمها ويغفر لها ويسامحها، لكن اللي مات بعدها أمان طفلين في لحظة واحدة.
طفلتين 10 سنين و8 سنين… صحوا على حقيقة أكبر بكتير من عمرهم مفيش حضن، مفيش سند، ومفيش امى تحتضنهم أو ممكن ترجع تاني.
اتنين أطفال فقدوا كل حاجة مرة واحدة… وفجاة مش بالتدريج، لكن بصدمة. لا يحتملها الكبار فما بال قلوب الأطفال
والأقسى إن باب الاحتواء اتقفل في وشهم لما الجدة من جهة الأم رفضت تستلمهم… فبقوا لوحدهم تقريبًا في مواجهة مصير مجهول ما يتحملوش طفلتين لسه في اول سنوات حياتهم
دي مش قصة رحيل أم وبس… دي قصة طفولة اتسحبت منها الحياة فجأة.
يا وجع بنتين مالهمش ذنب في أي حاجة حصلت…
يا قسوة واقع اتكتب عليهم من غير ما يختاروا
بسنت قبل ما تموت قالت ما لقيتش حظي في حاجه لافى اهل ولا في قرايب ولا في حب ولا في جواز ولا في شغل الكل افتكر ان الكلام عابر وكلام بيتقال وقت زعل بس طلع كلامها صح امها اللي المفروض تبقى مقهوره عليها وتتمنى اي حاجه من ريحتها وتتمسك ان هي تربي اولادها رفضت وبعتت الاولاد لمدرستهم وقالت لها وديهم لابوهم وجدتهم من ابوهم هي تربي انا ما فيش حيل اربى حد..
احنا هنا بنتكلم على ام القتيله بين قوسين اللي المفروض مفطوره على بنتها وتتمنى اي حاجه من ريحتها بس بكل اسف هربت بشياكه عشان ما تشيلش المسؤوليه الله اعلم الاب وامه هيقولوا ايه همه كمان يعني البنت دي كان معاها حق لما قالت انها اتخذلت من الجميع واضح جدا ان اهلها اول من خذلوها بدليل ان هي اتحملت معه طليقها سنين عذاب وكانت عايشه ومتحمله وبتعدي لان ما لهاش مكان تاني تروحه ولا حد يكون سند ليها بجد مش عارفه اقول ايه كل ما الامور بتوضح اكتر قلبي بيوجعني اكتر يا ريت كل بنت تعرف ان الطلاق مش نهاية العالم دى فرصه لبداية جديده وياريت الاهلي يكونوا سند لما يلاقوا بنتهم وقعت في راجل مش بتاع مسؤوليه يا ريت الاهل يكونوا ضهر وحمايه لما البنت تقع في واحد بيهين ويذل ويقهر عشان عارف ان ما حدش هيقف لها وان ما لهاش مكان تروح له بعد ما بقى معاها بدل العيل اثنين يا ريت ما تسيبوش بناتكم يوصلوا للقهر النفسي والعتمه الداخليه والاكتئاب خليكوا جنب بناتكم وخليكم سند واللي عندها اولاد تربيهم وتعلمهم من الصغر انهم يتقوا الله فى بنات الناس ويكونوا جنبهم ويعلموهم يعنى ايه رجولة الممثله فى الخير والموده بين الزوجين مش القسوه الشر و القهر فى بنات الناس ربه اولادكم ان بنات الناس امانه وما اتخلقتش للاهانه رابوهم صح من الاول علشان اللي يعاشر الطرف الثاني ما يتعذبش وما يوصلش للوضع اللى احنا بنشوفوا دلوقتى .. ربنا يرحمها ويرحمنا جميعا لان في زي بسنت كتير قوي بس لسه الدور ما جاش عليهم
وربنا يرحمها ويغفر لها