عزه ساري تكتب
عارفين يعنى ايه وزير الداخليه بنفسه يأمر 8 فرق من المباحث والامن العام عشان يدوروا على مجـ ـرمة ملـ ـثمه خط. ـفت طفله من حضن امها فى مستشفي الحسين الجامعى ؟ عارفين يعنى ايه رجالة الداخليه بتدور في 122 كاميرا بداية من منطقة الحسين لحد منطقة بدر على واحده مجهولة الهويه مستخبيه فى لبس النقـاب وملهاش اى معالم حد ممكن يتعرف عليها او يقدر يوصفها علشان نقدر نوصلها ؟ عارفين يعنى ايه يدخلوا فى كل ميدان وشارع لمسافه لا تقل عن 60 كيلو متر عشان يبحثوا عن المجرمه دى ويدوروا وراها فى كل مواقف الميكروباصات وكاميرات المطاعم ومحلات العصير ومحلات الموبايلات والسوبر ماركت والكافيهات والصيدليات وغيره ؟ يعنى احنا عايشين فى دوله محترمه بتحترم شعبها وبتقلب الدنيا علشانه ومبتفرقش بين بنت وزير وبنت ست بسيطة الحال ..بجد احساس مريح واحساس بالامان لما تحس ان حياه البني ادم تهم حد وبيخاف عليها وبيعمل المستحيل علشان ينقذها باسرع ما يمكن قبل ما تتاذي تحيه واجلال للشرطه المصريه على راسهم وزير الداخليه