عزة سارى وترنيمه روح

عارف لما تبقى في الدنيا وحدك والدنيا دي ليها نياب وانت واقف كالاسود..

والدنيا مش قادره عليك رغم وجعك رغم حزنك بس واقف بتعاندها كالاسود 

 عارف لما تكون فاتح 

بيبانك للجميع وانت يا مسكين بيتقفل فى وشك  الف باب .. وبرده واقف وتعانيدها

عارف لما تمد ايدك وتطبطب على الغريب وعلى القريب 

وانت نفسك بس  ايد واحده تطبطب يوم  عليك وما بتلاقيش..

عارف كل مره حزنت فيها وما لقيتش مره  اللى  يواسيك..

عارف انت عند ربك اسمك ايه اسمك من الصابرين المحتسبين وليس القانطين

كل ده مكتوب في ميزانك وربك هو اللي هيعديها وهو بس اللي هيراضيك

اوعي تيأس اوعى  تزهق افضل انت بس  اسعى وقول يا رب فك كرب وهو مش هيسيبك وحدك

كل لما تضيق  عليك أجرى و اسجد بين ايديه وقول يا رب فك كرب

اصل ربك ده حنون واقرب ليك من الوريد واحن عليك من والديك ودايما ليك سند متين لا هيخذلك ولا هيسيبك في يوم حزين