بقلمى محمد عنانى
فِينُه زَمان المَصطَبَه
والقُله جَنب الزير
زمن القلوب الطيبه
اللى تِحب الخير
وناس لبعض قُرَيبه
وعلى بناتها تِغير
وبالضيوف يَا مَرَحَبَه
سَابقه الواجب بكتير
وبِالأُصُول مِتحَجِبه
عَاَرفه حقوق الغير
جيران لبعض مُحببه
ووداد ما بينها كبير
فى الحُزن تِلقَاَ طَبطَبَه
وفى الفرح سَاَبقه طِير
أما الأدب نَشأَه وهِبه
عَلِيِه الجميع بِيسِير
والإحترام كان موهبه
وسِتَاَت لِيها التقدير
وألفاظنا حاجه مُهذَبه
أما النفوس فَحَرير
وحياه بسيطه مُرَتبه
وجِوَانا صَاحى ضَمير
صَبحت أمورنا مِكََركِبه
وخلاص بَاَن التفسير